وتىرىستىڭ تاقىرىبى - «قازاقستان رەسپۋبليكاسى پرەزيدەنتى ن.ءا.نازارباەۆتىڭ 2018 جىلعى 5 قازانداعى «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى قازاقستان حالقىنا جولداۋى اياسىندا العاشقى مەديتسينالىق سانيتارلىق كومەك قىزمەتىنىڭ قولجەتىمدىلىگى مەن ساپاسىن ارتتىرۋ تۋرالى (سىرقاتتى باسقارۋداعى جاڭا ادىستەر ەنگىزۋ)».
فراكتسيا جەتەكشىسى گۇلميرا يسيمباەۆا ءوزىنىڭ كىرىسپە سوزىندە پارتيا توراعاسى ن.ءا.نازارباەۆ ءتورتىنشى سەسسيانىڭ اشىلۋىندا جانە دە جىل سايىنعى جولداۋىندا القاشقى مەديتسينالىق سانيتارلىق كومەككە (امسك) قولجەتىمدىلىكتى, اسىرەسە, اۋىلدىق جەرلەردە ءارى قاراي ارتتىرۋ بويىنشا ايقىن جانە ناقتى تاپسىرمالار بەرگەنىن اتاپ ءوتتى.
ۆيتسە-سپيكەر زاڭ شىعارۋشىلاردىڭ جانە ۇكىمەتتىڭ وسى باعىتتا بىرقاتار جۇمىس اتقارعانىن دا تىلگە تيەك ەتتى. دەنساۋلىق ساقتاۋ ماسەلەلەرى تۋرالى زاڭ قابىلدانىپ, وندا تەگىن مەديتسينالىق كومەكتىڭ كەپىلدەندىرىلگەن كولەمىنىڭ جاڭا مودەلى زاڭنامالىق تۇرعىدان بەكىتىلدى. امسك-نى قارجىلاندىرۋ كولەمى ۇلعايۋدا. ەندى العاشقى مەديتسينالىق قىزمەتتەردىڭ قاجەتتى كولەمىمەن ەلىمىزدىڭ بارلىق تۇرعىندارىن تولىققاندى قامتاماسىز ەتىپ, تەڭ قولجەتىمدى بولۋى ءۇشىن ۇيىمداستىرۋشىلىق, ەكونوميكالىق جانە پراكتيكالىق شارالار كەشەنى قاجەت.
گۇلميرا يسيمباەۆا بۇگىنگى تاڭدا 1900-دەن اسا اۋىلدىق ەلدى مەكەن العاشقى مەديتسينالىق سانيتارلىق كومەكپەن تولىق قامتىلماعانىنا ەرەكشە نازار اۋداردى. بۇدان باسقا, 37 اۋىلدىق ەلدى مەكەندە جاقىن ماڭداعى مەديتسينالىق پۋنكتكە دەيىنگى اراقاشىقتىق 30-دان 180 كيلومەترگە دەيىن, ال بەلگىلەنگەنى - 5 شاقىرىم. وسىعان بايلانىستى فراكتسيا جەتەكشىسى مەديتسينالىق ۇيىمدار جۇيەسىن دامىتۋدىڭ ينفراقۇرىلىمدىق جوسپارىن ازىرلەۋدى ۇسىندى.
سونىمەن قاتار, ۆيتسە-سپيكەردىڭ ايتۋىنشا, دەنساۋلىق ساقتاۋ ۇيىمدارى جۇيەلەرىنىڭ نورماتيۆتەرىن قايتا قاراپ, اۋىلداعى تۇرعىندار سانى عانا ەمەس, ەلدى مەكەندەردىڭ ءبىر-بىرىنەن الشاقتىعى, گەوگرافيالىق جانە تابيعي-كليماتتىق فاكتورلارى ەسكەرىلۋ قاجەت.
سوندا عانا بارلىق تۇرعىندارعا مەديتسينالىق كومەك قىزمەتتەرىنە تەڭ قولجەتىمدىلىكتى قامتاماسىز ەتە الاتىندىعىن ايتقان گۇلميرا يسيمباەۆا مەديتسينالىق ۇيىمدار جۇيەسىن دامىتۋدىڭ ينفراقۇرىلىمدىق جوسپارىن پىسىقتاۋ قاجەتتىگىنە توقتالدى.
جينالىستا العاشقى مەديتسينالىق سانيتارلىق كومەك ساپاسىن جاقسارتۋ بويىنشا قابىلدانىپ جاتقان شارالار تۋرالى دەنساۋلىق ساقتاۋ ۆيتسە-ءمينيسترى لياززات اقتاەۆا باياندادى.
وتىرىس بارىسىندا دەپۋتاتتار - فراكتسيا مۇشەلەرى زاۋرەش امانجولوۆا, قۇرالاي قاراكەن, گۇلنار بيجانوۆا, مۇرات تەمىرجانوۆ, يرينا ۋنجاكوۆا, كارىباي مۇسىرمان, نۇرتاي سابيليانوۆ, اباي تاسبولاتوۆ, ومارحان وكسىكباەۆ العاشقى مەديتسينالىق سانيتارلىق كومەك جۇيەسىن ءارى قاراي جەتىلدىرۋ بويىنشا ناقتى ۇسىنىستار ەنگىزدى. اتاپ ايتقاندا, دەنساۋلىق ساقتاۋ ۇيىمدارى جۇيەلەرىنىڭ نورماتيۆتەرىن گەوگرافيالىق جانە تابيعي-كليماتتىق فاكتورلارىن ەسكەرە وتىرىپ قايتا قاراۋدى, امسك شەڭبەرىندە مەديتسينالىق قىزمەتتەردىڭ وڭتايلى ءتىزىمىن قابىلداۋدى, دەنساۋلىق ساقتاۋ وبەكتىلەرىنىڭ بىرىڭعاي كارتاسىن پىسىقتاۋدى, اۆتوموبيل جولدارىن دەنساۋلىق ساقتاۋ وبەكتىلەرىنە يكەمدەپ سالۋدى, اۋىلدىق جەرلەردە جەدەل جاردەم اۆتوموبيلدەردى جاڭارتۋ بويىنشا شارالار قابىلداۋدى ۇسىندى.
ءىس-شارا قورىتىندىسى بويىنشا العاشقى مەديتسينالىق سانيتارلىق كومەك قىزمەتىنىڭ ساپاسىن ارتتىرۋ مەن قولجەتىمدىلىگىن ۋاقىتىلى قامتاماسىز ەتۋگە بايلانىستى بىرقاتار مينيسترلىك پەن جەرگىلىكتى اتقارۋشى ورگانعا ۇسىنىمدار تاپسىرىلعان فراكتسيا قاۋلىسى قابىلداندى.
